Vite sae á rúa para pedir o indulto para Miguelito

Os asistentes non se pecharon dentro do Concello despois da manifestación como tiñan previsto. Pero ameazaron con facelo se ven que non se toman as medidads axeitadas.

Os veciños de Vite reclamaron a concesión do indulto para Miguelito condenado a sete anos de cárcere polos sucesos ocorridos fai case un mes. Grande parte do barrio de Vite tomou as rúas de Santiago para esixir, ao Concello, a posta en liberdade de Miguelito. A pancarta da plataforma a favor do indulto, na que estaban os representantes veciñais, encabezaba a manifestación seguida do resto de veciños.

Os manifestantes corearon insistentemente a petición de que o indulto sexa concedido antes do Outono e insistiron en que «Miguelito somos todos». Os manifestantes encheron a praza do Obradoiro.

Á manifestación de hoxe pola mañá acudiron, ademais de miles de veciños, o representante destes, João Peres que tomou a palabra para pedir que a «sensibilidade e o sentido común» permita que desde o Concello de lle conceda o indulto, porque é «un bo veciño, boa xente que non merece estar na cadea». As súas palabras foron interrompidas pola consigna máis repetida na manifestación, «liberdade para Miguelito».